Kabanata 1665

Hindi sinabi ni Sirius sa butler kung gusto niyang umuwi. Nagtanong lang siya, “Nasaan ang dad ko?”

“Ang Young Master…abala siya sa trabaho. Hindi siya makakauwi sa susunod na dalawang araw,” Tapat na sabi ng butler.

Nagdilim ang mga mata ni Sirius. Ganito na naman ang nangyayari…

Madalas ay butler, mga taga silbi at doktor lang ang nasa tabi niya kapag mayroon siyang sakit. Uuwi lang ang tatay niya mula sa trabaho kapag magaling na siya.

“Bumalik ka na. Hindi ako uuwi ngayon. Mayroong mga tao na nagbabantay sa akin dito,” Sabi ni Sirius.

Tiningnan ng butler si Little Cupcake at nagtatakang nagtanong, “Ang kaibigan mo ba ang mag-aalaga sa iyo?”

“Aalagaan namin ng Mommy ko si Sirius. At saka, uminom na siya ng gamot para sa lagnat. Gagaling na siya kaagad.”

Nagulat nang bahagya ang butler. Uminom ng gamot ang Little Young Master?

Kailangan nilang magpakahirap para mapainom siya ng gamot noon. Mukhang mayroong sariling diskarte ang bagong kaibigan ng Little Young Master.

“Umuwi