Kabanata 1676

Tinitigan ni Dayton ang batang babae na napaka inosente ng mukha. Naningkit ang mga mata niyang mayroong bahid ng panganib.

“Bibigyan kita ulit ng pagkakataon. Sabihin mo sa akin, mommy mo ba ang nagmamaneho ng kotse kanina?” Mababa ang tono niya nang magtanong.

Kumurap ang itim na mga mata ni Little Cupcake habang nakatingin kay Dayton at saka tumango. “Siya ang mommy ko.”

Nagliwanag ang mga mata ni Dayton. “Nasaan siya?” Kaagad niyang tanong.

Tinuro ni Little Cupcake si Renee at sinabing, “Hindi ba’t naroon siya?”

Muling nagdilim ang ekspresyon ni Dayton. Bakit parang niloloko siya ng batang ito?

“Hindi siya ang mommy mo. Huwag mong isipin na wala akong alam!” Malakas niyang sigaw. Naiinis na siya.

Nairita si Renee nang marinig ang sinabi ni Dayton. “Sino ang nagsabi sa iyo na hindi ako ang mommy niya?”

Malamig siyang tiningnan ni Dayton at nagtanong, “Ikaw ba ang tunay niyang ina? Dapat ba akong magsagawa ng paternity test sa inyong dalawa?” Upos na ang pasensya niya.

Nagki