Kabanata 1732

Sumunod na araw, alas dies nang umaga nagising si Quincy. Tinitigan niya ang relo sa mesang nasa gilid ng kama. Matagal na siyang hindi nakakatulog nang ganito kahaba.

At saka, malalim ang tulog niya kagabi. Hindi niya naramdaman na katabi niya si Dayton.

Wala na ito sa tabi niya. Ang bwisit na lalaking iyon. Maaga siguro itong tumakas dahil natatakot itong masigawan niya sa oras na magising siya.

Inalis niya ang kumot at yumuko para inspeksyunin ang kaniyang damit. Mabuti na lang ay wala itong ginawa sa kaniya habang natutulog siya.

Nakapagtataka na mahaba ang naging tulog niya pero inaantok pa rin siya.

Napakabigat ng kaniyang ulo. Hindi niya maituon ang atensyon sa anumang bagay.

Minasahe niya ang kaniyang sentido. Kailangan niyang mag-isip ng paraan para makaalis sa lugar na ito ngayong araw.

Bumaba si Quincy pagkatapos magsipilyo. Hinihintay na naman siya ni Dayton sa dining room.

Napakunot ang noo niya pagkatapos tingnan ang pagkain sa mesa. “Ikaw na naman ang nagluto ng