Chapter 98

Nagising ako at napahawak sa ulo ko dahil sumakit 'to bigla.

Inilibot ko ang paningin ko sa paligid at sobrang liwanag na sa paligid. Tumingin ako sa tabi ko at wala na si Elizabeth.

"Anong oras na ba?" Takang tanong ko sa sarili at tumayo para kunin ang cellphone ko.

Nanlaki ang mata ko dahil pag tingin ko sa oras ay malapit na mag 9 am. Nako! Si Elizabeth may pasok pa pala!

Lumabas ako ng kwarto habang napapahawak sa ulo. "Aray ko, ba't sobrang sakit ng ulo ko?"

Bumaba na ako ng hagdan at pagdating ko sa mesa ay may nakita akong sulat. 'Ihahatid ko na si Elizabeth' basa ko don sa maliit na papel. Medyo nakahinga ako ng maluwag dahil don, umupo nalang muna ako sa upuan at bumuntong hininga.

May isang basong tubig dito sa ibabaw ng mesa kaya kinuha ko 'yon at ininom lahat. Nagulat ako ng mag ring bigla 'tong cellphone ko.