APKF-15

"You okay, baby?"

Napabaling ako kay Ubi, bakas ang pag-aalala sa tono ng pananalita nito. Panay rin ang tingin niya sa katawan ko kung may galos ba ako o wala.

"Sigurado ka ba na walang masakit sayo?" dagdag pa niya.

Malalim akong napabuga ng hangin sabay sulyap sa aking mga kamay. "Medyo namanhid lang ang mga ito. Akalain ko ba naman na kasing tigas pala ng pagmumukha ni Jana ang buhok niya." wika ko.

Nawalan na talaga ako ng control sa sarili ko kaya mukhang napuruhan ko si Jana. Halos gumulong na kasi ito sa lupa, at kung hindi pa kami inawat ng isang pulis marahil naingudngud ko na ang pagmumukha niya sa lupa dahil sa gigil ko sa kaniya.

Pero sa bandang huli, nagsisisi rin ako sa aking nagawa, hindi ko kasi dapat sila pinatulan dahil unang-una sa lahat ay wala naman akong mapapala roon. Nanghinayang rin ako at nakaramdam ng guilt dahil nagawa kong saktan ang dati kong kaibigan.

Pero masisisi ba nila ako gayong nananahimik na ako at sila itong hindi mapakali sa kinaroroonan nil