Fifty Nine

Lance

Halos isang linggo na ding hindi ko na nakikita si Mj o kahit man lang may nabalitaan ako sa kaniya.

Alam kong galit pa din ang babae sa akin pero bakit naman kaylangan ganoon katagal? Sana man lang kung galit nga siya sa akin ay kahit man lang sana nagparamdam.

Kahit man lang nagtext o naalalang magchat. Dahil sa mga bagay na iyon ay mas lalo kong napatunayang malaki ang posibilidad na si Jarred pa talaga ang laman ng puso ng babae.

Sari-saring what ifs din ang pumapasok sa isipan ko. What if makikipagbalikan si Mj kay Jarred? What if magkakaayos ang dalawa? What if nagtatagpo ang dalawa kahit parehong nasa separate relationship na? What if magkasama sila ngayon? What if ginamit ni Mj ang pagkakataon para magkaroon ng dahilan upang hiwalayan ako nang sa ganoon ay magkaroon na ng katuparan ang kanilang nasirang pagmamahalan?

Na ayon sa Diary ni Mj ay matagal nang may relasyon silang dalawa at magiilang taon nang may namamagitan sa mga ito. Kaya nga naman noong marahas na inangkin