Chapter 57: Official Label

AYEISHA

HINDI pa ako nakakabihis nang tumunog ang doorbell ng tinutuluyan ko dito, sa taas lang din ng opisina ko. Kaagad kong tinungo iyon at pinagbuksan nang makitang si Elina ang nasa labas.

“H-hi,” ani ni Mr. Hart sa akin.

Hindi ko siya napansin sa hole kanina. Akala ko si Elina lang ang nasa labas.

Tumingin ako kay Elina. “I’m sorry po, ma’am, naistorbo po yata namin kayo. Sinamahan ko lang po si Mr. Hart para ibigay ang regalo niya po sa ‘yo.”

“Yeah. It’s my fault, Miss Santillan. Naiwan ko kasi sa sasakyan ito. At gusto kong ibigay talaga ‘to sa ‘yo ng personal, matagal na.”

“O-okay,” ani ko na lang.

Nandito naman na siya kaya hinayaan ko na lang.

“Mauna na po ako sa baba, Ma’am, Mr. Hart.” Tumango ako kay Elina.

Pinapasok ko na lang si Mr. Hart sa loob pagkaalis ni Elina. Pinaupo ko siya sa sofa kapagkuwan.

Nakangiting tumingin sa akin si Mr. Hart matapos niyang libutin nang tingin ang aking tinutuluyan.

“Nice place, Miss Santillan. The interior suits your person