The Broken Vow-Chapter 16

RUTH’S POV

“HINDI ka naman daw ilalabas ng customer, anak. Table table lang daw sabi ni Boss. Nakita niya kasi ang litrato mo sa cellphone ko kaya sabi niya bagay ka doon.”

“Naririnig mo ba ang sinasabi mo, ‘Tay? Nakalimutan niyo po bang galing ako sa kumbento?” Hindi ko na naiwasang tumaas ang boses nang mga sandaling iyon.

“Para naman ito sa atin, anak. Gusto mo bang makulong ako?”

Napatitig ako kay Tatay. “Gusto mo rin ba akong mapariwara, ‘Tay?”

“A-anak…”

“Kung ‘yan lang po ang sasabihin mo, kailangan ko nang umalis.” Tumayo ako kapagkuwan.

“Alam na nila kung tayo nakatira, anak. Kaya mahirapan tayong hindian sila.”

“Tatay ko po kayo at malaki ang respeto ko sa inyo. Pero kung itutulak niyo ako sa kasalanang ginawa niyo, hindi ko po kayo mapapatawad. Masama pero kung kinakailangan para maprotektahan ang sarili ko, gagawin ko.” Sabay kuha ko ng telepono ko sa mesa.

Hindi pa ako nakakahakbang nang magsalita si Tatay.

“Binabalaan kita, Ruth. Baka mas malala pa ang pupuntahan mo kapag