The Broken Vow-Chapter 42

RUTH’S POV

SAGLIT kong tinapunan ang telepono ko na tumutunog. Si Benrick iyon.

Wala ako sa bahay niya kaya magtatanong talaga siya kung nasaan ako.

Dalawang araw na akong sa bahay ko umuuwi. Pumasok rin ako ngayon sa foundation para libangin ang sarili ko habang hinihintay ang tawag ni Sarhento. Sabi niya kasi, tatawagan na lang niya ako kapag may balita na tungkol kay Cara. Kaya tama lang na sa foundation ko abalahin ang sarili ko. Saka dito, maraming mga bata.

Para maibsan ang pagka-miss ko kay Cara, sa mga bata ko binabaling ang atensyon ko. Nagpalipat ako ng trabaho sa superior ko. Sabi ko, mas gusto kong bantayan ang mga bata. Buti na lang pumayag sila.

“Hello, Miss Ruth!” Kumaway si Bidek sa akin nang makita ako. Bagong pasok siya sa silid at pawis na pawis. Galing yata sa playground.

“Halika nga rito. Bibihisan kita. Dami mo nang pawis, o.” Nakangiting lumapit naman ang bata at naupo sa kandungan ko.

“W-wala po si Sir Benrick?” tanong niya sa akin na ikinatigil ko.

Pin