Chapter 50

Maaga siyang umuwi ng kaniyang bahay ng araw na iyon dahil hindi pa rin niya maalis ang pag- aalala sa anak niya. Alam niyang hindi pa din ito napapakali na hindi pa rin nito nakikita ang Mommy nito.

Ibinilin niya naman kay Aya na huwag na huwag niyang papayagan itong umalis ng bahay dahil kapag nakalabas ito at natakasan siya ay malalagot siya rito.

Hindi naman sa tinakot niya si Aya ngunit gusto niya lang talagang masigurong magiging ligtas ang anak niya.

Pagkauwi niya nga ay kaagad niyang hinanap si Vin kay Aya.

"Nandiyan sa court kasama ni Baxter." Sagot nito pagkatapos ay aalis na sana sa harapan niya ngunit tinawag niya ito kaya muli itong humarap sa kaniya.

"Dumaan ba kaninang umaga dito si Lizette?" Tanong niya rito dahil gusto niyang makasiguro sa sinabi nito sa kaniya kanina.

Napailing naman ito bilang sagot sa kaniya at pagkatapos ay napakunot ang noo.

"Ang tagal kong nagdamo sa garden Sir para makita ko at mabantayan ko si Vin kaso wala namang dumaan dito." Sagot nito haba