Chapter 72

Alas singko pa nga lang ng umaga ay gising na siya at nakaligo na siya. Hindi na sila dapat pang mag- aksaya ng oras.

Lumabas siya ng kaniyang silid upang tingnan ang kasama niya na si Baxter sa guest room ngunit nang mabuksan niya ito ay tulog na tulog pa rin ito nang mga oras na iyon.

Nagdahan- dahan siyang isinara ang pinto para hindi ito magising. Siya na lamang mag- isa ang pupunta doon. Bumalik ulit siya sa kaniyang silid at nagbihis pagkatapos ay inilabas ang nakatago niyang armas sa kaniyang closet. Hindi niya inakalang magagamit niya iyon. Pang emergency lamang sana iyon ngunit ngayon ay gagamitin na niya ito.

Regalo pa ito noon sa kaniyang ng kaniyang yumaong ama. Ang sabi nito ay baka daw pasukin sila sa kanilang bahay kaya importanteng may baril siya lagi sa kaniyang silid para mayroon siyang proteksiyon o may armas siya.

Inilabas niya ito sa kahon kung saan ito nakatago. Siniguro muna niyang may bala ito at pagkatapos ay nang masiguro niyang may bala ito ay isinukbit na n