Chapter 25

Nakarating sila sa isang cafe malapit sa village ni Dan at ipinarada . Sinapo niya ang kaniyang noo nang maalala ito. 

 "Shit! Napakatanga mo talaga, Ads." Bulalas niya, habang minumura ang sarili.

 Siguradong naiinis at naiirita na ang kaibigan niya sa paghihintay nito sa pagdating niya. Kalahating oras na itong nag hintay, at ngayon ay maghihintay pa ulit ito ng kalahating oras dahil sa hindi inaasahang pagdating ni Drake para makipag-usap sa kanya. Akmang kukunin na sana ni Adeline ang kaniyang phone na nasa tabi niya para tawagan si Dan at para ipaalam dito ang nangyari at humingi na din ng tawad sa kaniyang kaibigan dahil mahuhuli na naman ulit siya sa kanilang usapan nang biglang kumatok si Drake sa bintana ng kaniyang sasakyan. 

 Tumingin siya sa labas ng kotse at nakita niyang ginalaw ni Drake ang kamay niya, senyales na bumaba na siya sa kotse. Pinatay ni Adeline ang makina ng sasakyan b