Chapter 43

Pagkalabas ni Drake ng kwarto ay humagulgol ng iyak si Adeline. Akala niya ay ayos na ang lahat at ayos na sa kanilang dalawa ng magsalita na si Drake at ngumiti sa kanya, ngunit hindi niya inaasahan na ang dahilan sa likod ng mga ngiting iyon ay dahil kay Natasha.

 Bigla siyang nakaramdam ng kaba. Dumating na ang araw na pinakakinatatakutan niya. Ang araw na bumalik si Natasha mula sa New York.

 Nabalitaan niyang isang linggo na lamang mananatili sa Pilipinas ang babae. Ngunit hindi niya mapabayaan ang kanyang pagbabantay sa kaniyang asawa. Kahit isang linggo lang ang pananatili niya rito, magkakaroon si Natasha ng pagkakataon na ilayo si Drake sa kanya. At hindi hahayaan ni Adeline na mangyari iyon. Hindi siya papayag na ilayo sa kanya ng babae si Drake.

 *Alam ba niyang kasal na sila? Sinabi ba ni Drake sa kanya? O sinabihan siya ng kaibigan nito noong nakita nito silang dalawa ni Drake?* Nagtataka siya