CHAPTER 22

DANICA TRINA...

Isang buwan n'ya ng hindi nakikita si Joshua. Madalas kasi s'yang umaalis lately dahil sa mga misyon na ibinibigay sa kan'ya. Wala na rin ito sa kan'yang mansion at bumalik na sa kubo.

Matapos ang nangyari noon sa kusina, umalis din daw agad ang binata at bumalik sa kubo nito ayon kay nanay Meldy.

Inaamin n'yang nangungulila s'ya rito, ngunit pinipigilan n'ya ang sarili na huwag bumigay sa mga panunukso nito. Hindi n'ya alam kung anong trip nito sa buhay at may takot s'ya sa dibdib na baka mas lalo pa s'yang masaktan kapag umasa s'ya sa ipinapakita nitong kabaitan sa kan'ya.

Halos sa hideout na s'ya namamalagi at umuuwi lamang sa hacienda tuwing hating gabi na para hindi magkasalubong ang landas nilang dalawa ni Joshua.

Ayon kay nanay Meldy bumalik na daw ito sa pagtatrabaho at nakakalakad na ng maayos. Wala naman s'yang naging sagot sa ibinalita ng matanda. Inaasahan n'yang sasabihin ni nanay Meldy na hinahanap s'ya ni Joshua ngunit hindi n'ya narinig ang bagay na it