Chapter 43

Shanra

Halos hindi umalis si Craig sa tabi ko habang nasa ospital ako at nagpapagaling. Tatlong araw lang naman ang inilagi ko sa ospital pagkatapos pinauwi na agad ako ng doktor nang makitang wala namang problema na sa akin. Hindi pumayag si Craig na hindi niya ako maihatid hanggang sa bahay ko. Ang sabi niya ay ihahatid lamang niya ako sa bahay ko ngunit hindi naman siya umalis pagkahatid sa akin. Hanggang sa gumabi na at matutulog na ako ay talagang wala siyang balak na umalis sa bahay ko.

"Bakit hindi ka pa umaalis? Akala ko ba ay ihahatid mo lang ako hanggang dito sa bahay ko?" nanunuksong tanong ko kay Craig nang sumunod siya sa akin papasok sa aking kuwarto.

"Nag-aalala ako sa'yo kaya nagdesisyon ako na manatili na muna rito sa bahay mo," mabilis na sagot ni Craig. Kahit naman kaya ko na ang sarili ko ay tinulungan pa rin niya ako na makahiga sa aking kama. "Bakit? Ayaw mo ba na nandito ako sa bahay mo?" tila nagtatampo ang boses na sabi niya sa akin.

"Of course not. Siyempre,