Chapter 66

Craig's POV

"I-play mo nga ulit ang video," utos ko sa lalaking nasa tapat ng computer at siyang nagpi-play sa kuha ng video na katatapos lang namin panuorin.

Nasa loob ako ngayon sa control room ng bar kung saan ako nalasing kagabi at kasama ko si Sarhento Fabian Castro na isa sa aking matapat na underlings. Pinapunta ko siya para samahan niya akong i-check ang CCTV nang gabing nalasing ako sa bar na ito. Tumawag kasi sa akin ang isa kong tauhan at sinabi niya sa akin na nakita raw niya ako kagabi sa loob ng bar na sobrang lasing na lasing. May apat daw na lalaki na nagtangkang gawan ako ng masama dahil sa isang babae ngunit isang lalaki raw ang nagtanggol sa akin.

Wala akong matandaan sa mga nangyari kagabi dahil sa sobrang kalasingan. Nilunod ko kasi ang sarili ko sa alcohol dahil sa sobrang sakit ng nararamdaman ko. Hindi ko alam kung ano ba talaga ang dahilan at nakipaghiwalay sa akin si Shanra. At hindi ko alam kung dapat ko bang paniwalaan ang mga sinabi niyang dahilan kung ba