BILLIONAIRE'S SPECIAL MENU C117

COURTNEY ANNIKA...

Maaga s'yang nagising at nagluto ng kanilang almusal. Nami-miss n'ya si Pia at ang madalas na ginagawa nilang dalawa ng anak paggising nila. Pagluluto ng almusal ang kanilang bonding na dalawa ng kan'yang anak at hinding-hindi s'ya magsasawa na gumising araw-araw para makasama ito sa paggawa ng almusal nilang tatlo.

Nauna s'yang bumangon at pumasok sa banyo para magsipilyo at maghilamos.

Tulog pa si Chuck at hindi n'ya na muna dinisturbo ito dahil madaling araw na itong natulog dahil sa trabaho. Hindi s'ya iniiwan ng asawa kaya ang lahat ng trabaho nito na kailangang gawin ay sa bahay ginagawa ni Chuck kung saan ay katabi s'ya dahil hindi ito mapakali kapag hindi s'ya nito nakikita.

Kaya madalas ay para na rin s'yang nagtatrabaho ng trabaho ng kan'yang asawa. Madalas ay pinagtatawanan n'ya ito ngunit kapag naiisip n'ya kung gaano s'ya kamahal ni Chuck dahil hindi nito gusto ang nawawala s'ya sa paningin ng lalaki ay hindi n'ya mapigilan ang mapangiti dahil sa sobran