CHAPTER 4

- Lily -

Hindi ko na namalayan na nakaisang linggo na pala ako rito sa pinagtatrabahuan ko. Infairness kasundo ko ang mga kasamahan ko, diko nga sure parang mga ilag pa ang iba sa akin na talaga naman mas pabor sa akin para walang away. Dagdagan pa ng ibang mga customer na talagang pinipilahan ang counter at dagsa ang mga tao, mostly mga lalaki.

Alam ko naman na ako ang dahilan, sa ganda kong ito natural naman babalik-balikan nila ang coffee shop na ito. Except sa isang kutong lupa. Simula kasi nang ihatid ako nito sa mansiyon namin ay wala na atang araw na hindi ko ito nakikita. Para itong bangaw sa aking paningin, pero ang mas nakakapang-init ng ulo ko ay ang mga babaeng kung tumingin dito ay para ba itong gwapong nilalang at feel na feel pa ng impakto.

Hindi ko nga alam kung bakit araw araw siyang nandirito. Kulang nalang ay dito na rin siya tumira tutal naman nasa iisang pwesto lang naman ang kinauupuan niya. Kung minsan pa ay busy ito sa laptop nito at hinahayaan lang din naman ng mga kasamahan ko maski ang manager namin. Wala naman akong paki sa bangaw na ito dahil hindi ko ito pinapansin kahit na kung tumingin ito ay napakalagkit.

“Lily si Mr. Handsome nakatingin sayo." nakangusong turo nito sa direksyon kung saan nakaupo si Dracula.

“Wala akong panahon sa mga mukhang bangaw." tinalikuran ko ito at umupo sa bakanteng upuan. Tutal naman ay ala-dos palang ng hapon at hindi marami ang nagkakape. Sexy akong umupo at tuwid ang likod na nakasandal sa upuan.

Wala sa loob na napatingin ako sa lalaking nakaupo sa tapat ng table na kinauupuan ko. Anung ginagawa na naman ba ng Dracula na ito? Akala ko sa dating pwesto ito nakaupo, bakit andito ito ngayon malapit kung saan ilang dipa lang ang layo mula sa akin. Mataray na nakipagtitigan ako rito.

“Problema mo?" maangas at naiirita ang boses ko habang nakatingin dito.

He just smirked at kumindat pa sa akin. Napaawang ako sa lalaking ito at kamuntik ko nang malimutan na naasar ako sa pagmumukha nito dahil biglang kumabog ng malakas ang dibdib ko.

Kalma self. Si pakboy yan wag kang papaapekto sa kutong lupa na yan na mukhang na-stroke dahil kumindat pa.

Bubuka sana ang bibig ko nang bigla na lang may isang babaeng linta ang lumitaw sa kung saan at niyakap ito sa kaniyang leeg.

“I am so sorry for getting late babe!" parang pinilipit ang boses ng babaeng halos makita na ang kuyukot sa kakatuwad.

Napaikot na lang ang eyeballs ko at tumayo. Wala akong panahon manood sa mga mukhang ipis na dalawang ito at baka paghahampasin ko sila ng menu na nakapatong sa table.

Lumapit ako kay Bea na abala sa counter habang si Sita naman ay nagpupunas ng table.

“Im sleepy, I need to take a nap." napahikab pa ako.

Napahinto sa pagpupunas si Sita at tumingin sa akin at kunot noo pa.

“Lily nasa trabaho tayo. Bawal ang ganiyan. Kakatapos lang din ng break mo ah."

“Eh mas gusto ko umidlip eh. Sinong magagalit?" balewala ko dahil medyo antok talaga ako.

“Ikaw naman Lily, natural ang Boss natin ang magagalit. Kung si manager nga ay dapat matakot na tayo sa boss pa kaya?" sagot ni Bea.

“Wala akong pakialam sa kanila. Babush!" tinalikuran ko ang dalawa. Narinig ko pang tinatawag nila ang pangalan ko pero diko sila nilingon pa. Kapag ganitong antok ay dapat kong itulog dahil dagdag sa beauty rest ito. Eh kung gusto nila akong tanggalin dahil natulog ako sa oras ng trabaho e di gawin nila at basta masuntok ko muna sa mukha ang boss nila. Wala akong pakialam kung sinong poncio pilato man siya.

Agad akong pumasok sa aming secret room kung saan tanging mga staff lang ang pwedeng pumasok, may isang single bed naman at isang may mga plastic na upuan. May maliit rin na tv flat screen. Naupo ako sa gilid ng kama at hinubad ang black shoes, tinanggal ko ang hairnet at bumagsak ang mahaba kong itim na itim na buhok. Gamit ang mga daliri ay sinuklay ko ang maganda kong buhok. Alagang-alaga pa naman ang buhok sa parlor kaya buhay na buhay at super shiny.

Napatingin ako sa orasan na nakakabit sa dingding. It's already 2:25 in the afternoon. Iidlip ako ng kahit 15 to 20 minutes dahil talagang inaantok ako.

*******

“Mmmmm" napaungol pa ako ng pakiramdam ko ay may makalyong kamay ang humaplos sa aking pisngi.

Teka bakit may humahaplos sa maganda at makinis kong pisngi?! Ayaw na ayaw ko pa namang humahawak sa akin lalo na sa magandang mukha ko. Wake up Lialyn at baka aswang na yan! F**k!!

Agad akong napabalikwas. Hingal akong napalingon sa kapaligiran. Andito ako pa rin ako sa loob ng secret room. Wala naman kakaiba pero agad napababa ang tingin ko sa bumagsak na kumot sa aking kandungan.

“Kumot?" pagtataka ko, dahil wala naman akong natatandaan na nagkumot ako kahit na malakas ang pagbuga ng malamig na air-conditioned.

Hindi ko na sana iyon papansin ng mahagip nang tingin ko ang oras.

“No!" napasigaw ako at kulang nalang ay lumipad na dahil sa gulat ng makitang mag-aala singko na pala ng hapon.

Nasobrahan naman ako sa pagkakaidlip. Takte na yan! Mabilis kong sinuot ang aking sapatos at ng matapos ay humarap ako sa malaking salamin. Sinipat ko ang magandang mukha ko. Napanatag naman ako ng wala namang kakaibang nangyari sa aking maganda at perpektong mukha. Super hate ko pa naman pumanget.

“Hello guys!" masayang bati ko sa mga kasamahan ko.

Walang pumansin sa akin dahil dagsa na pala ang mga customer. Oh well andito na ang diyosa kaya sige good vibes na lang.

Lumipas pa ang ilang mga minuto ay busy na rin ako sa counter. Inuuto ko pa ang mga kalalakihan mapabinata man o gurang na bilhin ang mas pinaka-expensive na kape at cake namin. Mabuti na lang at maganda ako kaya ubos agad ang aming stocks.

“Hanep talaga ang charisma mo Lily!" salita ni Bea habang naghahanda ng kape.

“Kaya nga! Buti na lang binawi mo ang pagkakupad mo abah ubos agad ang kape natin mantakin mo yun!" singit ni Sita na nakanguso pa sa direksyon ng mga kape namin.

“Muntik ng magbuga ng apoy si manager kanina Lily." napapailing pa si Bea.

“At bakit?" tanong ko habang nakatikwas ang maganda kong kilay. Kahit alam ko naman ang dahilan.

“Mabuti na lang may hero ka." sagot ni Sita.

“Hero?" pagtataka ko.

“Si Mr. Handsome to the rescue. Hindi ko alam kung anong magic ang sinabi niya kay manager. Ayun lumamig ang ulo."

“Anung ginagawa ng kupal na yun dito. Hindi pa ba lumalayas?"

“Ikaw naman Lily, magpasalamat ka na lang kay Mr. Handsome. Kung hindi sa kaniya tiyak wala ka ng trabaho ngayon. Alam mo bang maselan ang big boss natin kapag oras ng trabaho." nakaingos na salita ni Sita.

“Bakit presidente ba siya ng pilipinas para katakutan ko?" halukipkip ko pa.

“Jusmiyo! Minsan ang hirap mo kausap Lily." napatampal pa sa noo si Bea.

“Mabuti na lang palaging si manager lang ang nandirito. At never pa nagpakita ang big boss natin." si Sita.

“Hindi mo pa nakikita?"

“Never ko pa rin nakilala ang big boss natin. Maski ang iba nating mga katrabaho. Parang mailap daw sa tao pero alam ang lahat ng galaw." sagot ni Bea.

Napaisip naman ako. Eh kung ganun edi mas ayus. Kahit naman makilala ko ang big boss na yun ay wala akong pakialam sa kaniya. Ilang sandali pa ay naging busy muli kami habang si manager naman ay panaka-nakang napapatingin sa akin. Anung problema ng bakla naming manager? Kahit hindi nito sabihin alam kong bakla ito dahil kung tumingin ito sa ibang mga lalaki lalo na kay Dracula ay sobrang lagkit. Hayup.

“Lily pahatid to kay Mr. Draco Frimmenger." napalingon ako kay manager habang hawak nito ang isang tray na may lamang kape.

“Bakit ako?" mataray kong tanong. Sa dami ng customer bakit pa sa h*******k na yun.

“Aba bakit ako? Marami diyan iutos mo sa kanila. Busy ako." akmang tatalikod ako ng magsalita ito.

“Please naman Lily. I'm your manager and you should follow the protocols." parang nagpipigil magalit ang baklang manager namin.

“At kapag sinuway ko anung gagawin mo?" mas lalong tumaray ang mukha ko.

Napaawang ang bibig ni manager dahil sa hindi nito inaasahang sagot ko. Ilang segundo itong natigalgal bago nakapagsalita.

Ako naman ay napaikot ang eyeballs at wala sa loob na napatingin sa direksyon dulo kung saan nakaupo ang mukhang tipaklong na si Dracula na ngayon ay sa akin nakatingin habang parang hari na nakaupo at maangas ang hilatsa ng pagmumukha. Nagkatitigan kaming dalawa at nagulat pa ako ng bigla niya akong kindatan. Animal!

“Please Li---"

“Give it to me!" mabilis sa alas-kwatrong kinuha ko ang tray na may lamang kape.

Walang pakialam sa paligid kahit na halos maputol ang mga leeg ng mga lalaking nakaupo habang humihigop ng kape na nakatingin sa akin.

Padabog kong ibinaba ang tray at nilagay sa harap nito ang umuusok pang kape.

“Is that how you treat your customers?" baritonong boses ni Dracula na halos ikapanginig ng organ ko sa katawan.

“Yes!" malakas kong sagot.

“Thats not the right answer." tumitig ito sa akin.

Humarap ako sa kumag na ito at malditang nakipagtitigan kahit na kakaiba ang paraan ng tingin nito sa akin ay hindi ako papaapekto.

“Alam mo kanina pa ako naasar diyan sa pagmumukha mo eh. Araw araw na lang pagmumukha mo ang nakikita ko rito. Pwede ba sa ibang planeta ka naman magkape at h'wag na dito!" asar kong palatak sa bwisit na ito.

“What?" bakas sa tabas ng pagmumukha ng Dracula na ito ang pagkabigla.

“Wag mo ng alamin kung bungol kang animal ka." sabay talikod ko kay Dracula.

Mabilis akong naglakad habang tumahimik ang buong kapaligiran. Wala akong pakialam sa kanila mga leche!

Kita ko rin ang pagnganga ng iba kong mga kasamahan kahit sina Bea at Sita ay mukhang na-shock rin.

“Whatever" mahinang bulong ko sa sarili.

Ilang oras pa ang nagdaan, malapit na rin akong mag-out kaya mas lalo kaming naging busy. Habang ang siraulong si Dracula naman ay kanina pa ang Panay kindat sa akin. Ako naman ay asar na asar sa animal na ito na akala mo ay nagka- seizure na kakakindat. Yari talaga to sa akin matapos lang ang shift ko.

“Bye guys!" paalam ko sa ibang mga kasamahan. Pumayag rin naman si manager na para bang natuwa pa ng magpaalam ako. As if naman natuwa ako sa pagmumukha niya.

Hindi na ako nag-extend ng oras dahil talagang asar na asar ako sa pagmumukha ni Dracula. Kung pwede lang tatadyakan ko siya sa mukha dahil hindi na ako natutuwa sa paraan ng tingin niya sa akin. Ang hayup mukhang manyakis!

Matapos ko makuha sa locker ang gamit ko ay nagpalit ako ng white crop top at maong short. Nilugay ko ang buhok ko na ngayon ay wavy na dahil sa pagkakapusod maghapon. Infairness gumanda ang buhok ko . Nagpalit ako ng sapatos at nagsuot ng sneakers.

“Ganda mo talaga Lialyn" puring-puri ko pa sa sarili ko.

Paglabas ko sa exit ay agad akong nag-diall sa numero ni Leandro. Puro ring lang ang cellphone ng bwisit kong kapatid.

“Isa pa to inaasar ako eh!" gigil akong paulit-ulit na tinatawagan ang numero ni Leandro.

Napansin ko ang paghinto ng isang kotse sa aking harapan pero diko pinansin.

“Hop in!" boses ng isang animal.

Napairap ako ng bumungad sa aking harapan ang walang iba kundi si Dracula. Sakto naman ay sumagot na ang kapatid kong bwisit.

“Sunduin mo ako!" mapang-utos ko habang malakas ang boses na alam ko pati ang animal na nasa loob ng kotse ay maririnig.

“What the f**k Lily! I'm busy." boses ni Leandro na halata ang pagkairita.

“I don't care! Sunduin mo ako kung ayaw mong samain sa akin." galit ko na akala mo ay nasa harapan ko lang ang kausap ko.

Malutong na napamura ang kapatid kong nababaliw na ata.

“Ah ganun. Humanda ka sa akin kapag nagkita tayo bwisit ka!" singhal ko sa kabilang linya sabay off ng phone.

“I can take you home for free Lily." sabay kindat ng animal sa akin.

Nanlilisik ang aking mga mata sa tukmol na ito.

“Alam mo kanina pa ako asar na asar sayo animal ka eh. Isa pang kindat sa akin sasapakin na kita!" singhal ko dito.

“F**k I like that." sabay halakhak ng h*******k.

“Kung wala kang magawa sa buhay mo pwes tantanan mo ako." paatras akong naglakad ng magsalita ito kaya napahinto ako.

“Ang sungit mo naman."

“Buti alam mo!"

“Sakay na."

“No!"

“I can count of five ."

“Sinong tinatakot mo?!"

Hindi ito nagsalita bagkus bumukas ang pintuan ng kotse at bumaba ito.

“Sasakay ka o ikikiss kita?"

“Suntok gusto mo?!" bwisit na animal ito.

“five"

“Four"

“Three"

“Two"

“Hep hep! Siraulo ka talaga eh no. Anung trip mo sa buhay yawa ka!" asar na asar ako sa pagmumukha ng h*******k na ito habang nakatingala rito.

“Sasakay ka o kiss ka sa akin?"

“Gag0 ka napaka non-sense ng choices mo!"

“One!"

Nanlaki ang mga mata ko ng hawakan ako ni Dracula sa kaliwang braso ko at hinila. Pero hindi ako papayag, nahihibang na ata ang h*******k na ito at di ako kilala. Ako pa ang ginawang gag0.

“Ouch F**k!" malakas na napamura ang si Dracula habang napasapo sa kanang mata nito kaya nabitiwan ako nito.

“Buti nga sayo Dracula. Ako pa kinanti mong gag0 ka!" sabay talikod ko at akmang tatakbo na para lumayo rito ng hawakan ako nito sa aking baywang.

“Ahhhhh!!" malakas kong tili.

“Pwes hindi naman ako papayag na di ako makakaganti sayo Lialyn Griffer" pabulong na salita nito sa aking tenga na halos ikatayo ng mga balahibo ko sa batok.

Ilang minuto akong natulala at para akong nahepnotismo. Napansin ko na lang si manager na nasa aming harapan kasama nito ang dalawang security guards.

“Anu to?!" malakas kong sigaw dahil sa bilis ng pangyayari ngayon ay nakaposas na ako ng diko namamalayan.

“Mamili ka. Ipapakulong kita dahil sa pananakit mo sa akin o pipirmahan mo yan?"

Halos i*****l nito ang hawak na papel sa aking mukha. Hindi ko naman mabasa kung ano ang nakasulat. Hayup talaga. Napatingin ako sa mga taong nasa paligid ang dami na palang mga animal na nakikichismis. Andun din ang ibang mga kasamahan ko sa trabaho. Habang si manager naman ay hindi maipinta ang mukha na akala mo ay natataeng ewan dahil mukhang aburido.

Ang h*******k na Dracula naman ay nakahalukipkip naman habang nakatingin sa akin na akala mo ay isang judge at ako ay paparusahan na akala mo ay nakapatay ako ng tao. Yawa!

“Humanda ka sa akin yawa ka." pagbabanta ko sa animal.

“Pirmahan mo na kung ayaw mong makulong." mayabang na salita ni gunggong.

Kahit nakaposas ay pilit kong inabot ang ballpen na hawak ni Dracula at kahit na hirap na hirap ay pumirma ako. Di bale parang grade one lang na pirma ang ginawa ko. Utakan to oy!

Matapos kong pirmahan ang letcheng papel na yun ay agad sinuri ni Dracula.

“Bakit ganito ang pirma mo. Hindu maayos!" singhal sa akin ng hayup.

“Ginagag0 mo ba talaga ako hayup ka?! Kitang-kita mo na nilagyan mo ako ng posas tapos magrereklamo ka?" nagpupuyos sa galit ang dibdib ko. Sa utak ko ay tinataga ko na ito para matigok na.

Masamang tingin ang ibinigay nito sa akin. Maya-maya pa ay tumalikod ito at may tinawagan na kung sino.

Ako naman ay kulang nalang ay tubuan ng sungay sa galit. Ilang minuto pa akong nakatayo na parang kriminal sa harap ng maraming tao na nakikichismis ay may dumating na land cruiser. Si Leandro.

Nagmamadali itong bumaba at lumapit sa akin at madilim ang mukha.

“Sabi ko sayo sunduin mo ako eh! Tignan mo ginawa pa akong kriminal ng isang satanas!" halos maluha-luha ako habang nagsasalita sa kapatid ko.

Hindi naman nagsalita si Leandro at napakabilis nitong natanggal na parang magic ang posas sa mga kamay ko.

“Uwi na tayo." Yun lang ang sinabi nito bago ako tinalikuran.

Kahit asar ay sumunod ako dito at masamang tingin ang pinukol ko sa mga chismosa sa kapaligiran. Nauna akong sumakay sa likod ng kotse ni Leandro. Napansin kong kinakausap ng kakambal ko ang impaktong si Dracula. Hayup!!

Gagantihan talaga kita yawa ka!