Chapter 26 BIPR

ZEUS POV

"DAMMIT! Why did you pour water on my head?" galit na tanong ko kay David.

Ngumisi lang naman ang loko at balewalang umupo sa kaibayong upuan. Muli itong naupo sa kinauupuan nito kanina. "Para magising ka lang sa pagkakahimbing. Mukhang sarap na sarap ka sa pagtulog eh."

Naiinis na pinunasan ko ng kamay ko ang basa kong ulo. Mabuti na lang hindi nabasa ang mga papeles sa ibabaw ng mesa ko.

"Gising din pag may time, Ze," pang-iinis pa nito.

"Hindi ako natutulog! Kita mong mulat na mulat ako, gago!" sikmat ko.

"Hindi ka natutulog, umiiyak lang." Todo-ngisi namang tudyo ni Seth ang isa sa mga kaibigan ko. Mabuti na lang at wala rito si Xander.

"Anong drama mo?" tanong ni David.

"Wala kayong pakialam! Magsilayas kayo rito sa opisina ko!"

"Oh, why so sungit naman this boy? Pahingi ngang alak," ani Seth at basta kinuha ang alak sa ibabaw ng lamesa ko at basta nagsalin.

"Akin iyan! Bumili ka ng sa'yo," masungit na sabi ko.

Sumimangot naman ito at ibinalik ang alak sa tabi k