Chapter 50 BIPR

Amber's Pov

Nang makaalis sila Nanay papunta sa hospital ay nanatili pa muna kami ni Ate Alma sa simbahan ng ilang minuto pa. Hindi siya pumayag pero nakiusap pa ako. Nakiusap ako na baka puwedeng sandaling minuto pa. Ewan ko ba, nababaliw na yata ako kasi kahit napahiya na ako sa harap ng mga tao ay umaasa pa rin ako na baka may Zeus na dumating. Na baka na-late lang siya, na baka inabutan lang ng traffic o baka may nakaalitan lang sa daan. Gusto ko pa ring paasahin ang sarili ko kahit alam kong hindi siya darating.

Iyong pakiramdam na ang sakit-sakit na pero nagbabakasakali pa rin akong dumating siya. Iyong katulad sa TV na humahangos na dumating iyong groom.

Ayaw ko pang umalis kasi nagbabakasakali ako na mahal niya ako talaga. Pero oras na ang lumipas ngunit wala talaga, walang Zeus na humahangos papasok ng simbahan. Habang nakatingin sa gate ng simbahan ay panay ang pasimpleng kurot ko sa sarili ko. Baka kasi panaginip lang ang lahat ng ito. Baka bangungot lang at hindi lang