CHAP 36

"A-Anak."

Napaangat ako ng tingin kay Mama na hindi ko napansing nasa gilid ko na pala. "Po?"

Hindi naman siya agad sumagot. Imbes ay nilihis niya lang ang kaniyang paningin mula sa akin patungo sa ginagawa ko. Kasalukuyan akong naghahanda ng talong para sa gagawin kong torta. Iyon kasi ang paborito ng kambal.

"Anak, balak mo bang gilingin iyang talong?" usisa niya, naroon ang pag-aalangan sa kanyang tono.

Doon ko lang nagawang pagtuunan ng pansin ang talong na pinipirat ko gamit ang tinidor. It's a mess. Hindi ko na alam kung talong pa ba iyon o avocado na sa sobrang pino ng mga laman.

Sinubukan kong tumawa para maalis ang nararamdaman kong kahihiyan at saka ibinaba ang hawak kong tinidor. "Para humalo nang maayos sa itlog, Mama," palusot ko.

Nakagat ko ang ibaba kong labi nang umangat ang kilay ni Mama. Halatang hindi naniwala sa sinabi ko. Mayamaya pa ay hinawakan niya ang dulong tangkay at inangat.

"May galit ka ba sa talong?" Hindi ko alam kung mahihiya ba ako o matatawa dahil