Chapter 108

Kiara POV

Isang linggo na ang lumipas ng makaalis si Nigel at kagaya ng sinabi niya sa akin sa airport ay madalas siyang tumatawag, minsan nga ay late na dahil sa sunod sunod na meeting niya at naiintindihan ko naman 'yon. Sinasabi ko nga sa kanya na kapag pagod siya ay magpahinga na lang siya at ayos lang naman kung hindi agad siya makatawag pero mukhang walang epekto sa kanya ang sinasabi ko.

Sa loob ng mga araw na hindi ko siya nakikita ay ginagawa ko ang sinabi niya, kailangan kung tulungan ang sarili k na makalimutan ang masalimuot na nakaraan ko. Hindi madali pero kailangan kung gawin para mabuo na ulit ako ng tuluyan.

Muling pinabuksan ni Kuya ang kaso tungkol sa nangyari sa akin noon at kakausapin niya ang mga pulis kapag nakauwi na kami, 'yon din kasi ang gusto ni Nigel ang magbayad ang taong may gagawan ng lahat ng ito sa akin. Hindi sila naniniwala na nagkataon lang ang lahat ng ito, nasa isip nila na pwedeng may nag utos sa mga 'yon para gawin sa akin ang bagay na 'yon.