Chapter Twenty Six

NAGULAT si Xander nang makitang pumasok ang Manager ni Venixe sa loob ng restaurant. Palapit na ito sa kinauupuan niya. Dito pa naman niya piniling makipagmeeting dahil alam niyang hindi makakawala si Venixe sa kaniya.

Inis siyang tumayo. "Where's Venixe?" mariin niyang tanong. Hindi na niya naisip na maging mahinahon sa harap ng empleyado ni Venixe.

Agad na kinabahan si Thinz sa tono ng boses ni Xander. Galit ito.

"Ah, e... S-ir s-abi po ni Ma'am ako po ang p-upunta ka-si may gagawin pa siya." Nauutal na sagot ni Thinz sa gwapong si Xander. Nanginginig ang tuhod niya at gusto nang bumigay nito sa takot sa binata. Magkasalubong ang kilay nito at kulang na lang ay singhalan siya nito para ilabas ang pinipigil na galit.

Inis na inis si Xander dahil hindi niya mapasunod ang dalaga. Hindi niya magamit ang coffee shop para muling mapalapit kay Venixe. Ano ba ang pwede niyang gamitin para bumalik sa kaniya ang dalaga?

Napasuklay siya ng buhok gamit ang d