Kabanata 58

Sumisilip na ang mga nakatakas na sinag ng araw nang magmulat ako. Unti-unti kong nasilayan ang liwanag ng umaga na idinaan ko sa pagkurap-kurap. Ang mahabang binti at matipunong braso ni Russel ay nakadagan sa akin na siya ring nagbalik sa akin sa antok. Ngunit tapos na ang magdamag at panibagong araw na ito kaya't itinuloy ko na ang pagbangon.

Sakto rin ang pagtunog ng doorbell, aligaga akong nabalik sa wisyo. Akmang tatayo ako ngunit napagtanto kong tanging kumot lang ang nakabalot sa akin ngayon. Napahilamos ako.

“Russel...” Tinapik-tapik ko ang kaniyang mukha.

Patuloy ang pagtunog ng doorbell na para bang inip na ang pumipindot noon kaya mas lalo akong naalarma.

He groaned. Saglit na nagmulat ngunit umambang pipikit ulit.

“Bangon na, Russel! May bisita ka!”

Tamad siyang bumangon. He even checked his wristwatch like he's confirming something.

Tumayo siya kaya't naiwan sa akin ang kumot. Buti pa siya, naka-boxer! Hindi man l