Chapter 11 After 4 years

Jaya Pov...

Hindi ko namamalayan ang pagdaan ng panahon. Dalawang taon na pala akong naging sekretarya ni Steve Montano at kasama na doon ang itaboy ang mga lintang hitad na humahabol sa kanya. Para silang mga sinilihang linta sa kakahabol sakanya pero isa lang naman silang one night stand o tagakamot ng kati niya. Hindi ko alam kong isusumpa ko ang aking amo o ang mga hitad na nagpapaloko.

Hindi naman talaga mahirap mahalin ang isang Steve Montano eh, nakakatakot nga lang ang kabayaran kapag mahalin mo siya. Nagwagi na nga siya actually dahil nasungkit na nga niya ang puso kong talandi. Sobrang hina ko rin at tanga.

Sobrang kapit ko lagi sa aking gilid ng aking mesa para mapigilan ang sarili kong tumalon sa kandungan niya. Maamoy ko palang ang presko niyang amoy sa umaga namimilipit na ang aking leeg para silipin siya pero pinandigan kong huwag lingunin. Mahirap na, tanga pa naman ang katawan ko gusto talaga magpasakop sakanyang matitipunong bisig buti nalang gumagana pa ang utak ko