CHAPTER 34

BUO ang loob ni Triana na bumalik sa suite na inookupa nila ni Devance. Hindi niya dito ipinaalam na babalik siya. It was almost ten in the evening. Baka nasa syudad ito kasama ni Austin at abala mambabae. Pero kung maaabutan niya ito roon ay gagawin niya agad ang binabalak.

Halatang nagulat si Devance nang makita siyang pumasok sa loob ng suite. Pabalibag niyang itinapon ang itim na travelling bag.

“Hey, what happened to the wild night in Paris?” gulat na tanong ni Devance.

Hindi niya ito kinibo. Dumeretso si Triana sa banyo at naligo. Bakas ang pagtataka sa mukha ni Devance pero hindi naman ito nag-usisa pa. Sana lang hindi nito nahalata ang pamumugto ng kanyang mga mata.

Triana had a warm shower to calm her nerves. Paulit-ulit na umuukilkil sa isip niya ang mga malalaswang ginagawa ni Caleb kasama ang babaeng iyon. Lalong nagpupuyos ang kanyang damdamin.

Hanggang ngayon wala siyang maapuhap na sagot kung bakit iyon nagawa sa kanya ni Caleb. Mas maiintindihan niya pa kung naging