CHAPTER 97

“STOP the car!” utos ni Triana kay Leo nang agad na makita ang nangyayari sa tarangkahan ng kanilang gate. Pauwi sila ni Devance para magpahinga saglit at tingnan ang mga bata. Samantalang nagpaiwan si Gracia sa hospital nang ilipat sa private ward si Akhil. Gusto kasi nitong siya ang unang mukhang masilayan ng asawa kapag nagkamalay na ito.

“I said pull over!” ulit ni Triana. Maging si Devance ay biglang nanlaki ang mata nang mapagtanto kung ano ang nangyayari. Kapwa sila nakaupo sa passenger seat ng SUV na sinasakyan nila. It was late in the afternoon.

The tire screeched when Leo hit the brake. Nakatinginan ang mag-asawa nang mapagsino ang pamilyar na pigura ng babaeng may kalong na sanggol.

“Is that Eshvi?” Naguguluhang tanong ni Triana sa katabi. She could not recognize her face because of the sunglasses and facemask.

Marahang tumango si Devance. Kapwa sila bumaba ng sasakyan dahil kanina pa nakikipagtalo ang babae sa dalawang guwardya habang nagpapalahaw ng iyak ang bata.