Chapter 38

CHAPTER 38: INTIMATE PICTURES

"Nakaligo ka na? Sabi ko sabay tayo!"

"Ha? Paano tayo magsasabay wala ka naman dito?" reklamo ko kay Felix habang naharap sa phone para makausap siya.

"Let's video call," nagtatampong sagot niya.

"Para kang sira, Felix. Mababasa lang 'yong phone kapag gano'n!"

Nag-ayos na ako ng sarili habang dumadal siya. Papunta na siya rito sa bahay para sunduin ako. Si Travis, tinanggihan ko. Aaminin ko na sa kanya mamaya na ang tungkol sa amin ni Felix at papatigilin ko na siyang manligaw sa akin... na dapat ay dati ko pa ginawa.

Nakasalubong ko si Clyde nang saktong paglabas ko sa kwarto. Napatigil ako sa pakikipag-usap kay Felix at mabuti na lang ay naka-earpods ako.

Inalis ko ang isa at binati siya, "Hi, Clyde."

"Sasabay ka ba sa akin?" tanong niya, hindi masungit pero hindi rin masigla.

"Hindi na. Nagpasundo ako," sagot ko, hindi na sinabi kung kanino.

Bumuka ang bibig niya. Dahil do'n ay ramdam kong may gusto pa siyang sabihin pero hindi niya tinuloy. "Sig