BANCEO 41

ELIZABETH

“Next week na ang operasyon ni Zeym ate,” sabi ni Rachelle sa tabi ko. Nasa labas kami ng bahay, hinihintay si Kua.

“Nasabi sa akin ni Henry,”

“Nag-aalala ka ba?” tanong niya. Umiling ako.

“Makakaligtas siya. Wala yata akong ibang masabi sa kaniya kun’di malakas siya kaya alam kong makaka-survive siya,”

Ngumiti si Rachelle at yumakap sa akin. “Paano iyan ate? Kung maka-survive si Zeym, anong mangyayari?”

“Dalawa kaming magiging ina ni Kua,” sabi ko at tumingin sa kaniya.

“Ate, ang bait mo,” sabi niya sa akin. Sa tingin ko ay pinipilit ko lang talaga maging mabait. Gusto ko maging gaya ni mama. Natatakot akong maging si papa.

“Mama!” Napatingin kami sa bagong dating. Sa isang linggo mula nang magkakilala si Kua at Zeym, hinayaan ko ang anak ko na tumira kasama ni Zeym.

Agad siyang tumakbo sa palapit sa akin at yumakap.

Ngumiti ako at niyakap siya pabalik.

Gusto kong maranasan ni Zeym makasama si Kua. Kahit naman ganoon, araw-araw din naman niya akong tinatawagan dahil request