Chapter Fourty Three

DUMATING ang araw ng kasal nina Novice at Shaina. Maganda ang sikat ng araw, pinili ng binata na idaos ang pag-iisang dibdib nila sa garden kung saan ikinasal dati ang isa niyang bestfriend na si Lawrence Paul na present ngayon kasama ang kambal nitong anak na sina Shin at Estellar. Naka-attend din si Ma'am Tolentino ang orihinal na nangangasiwa ng garden.

"Parang kailan lang baby pa sina Shin at Estellar,"sabi ni Novice sa katabing kaibigan.

"Sinabi mo pa, sila ang dahilan kung bakit ako nagpapatuloy sa buhay. Magmula ng nawala ang mommy nilang si Esteffany,"sagot naman ni Lawrence Paul na pinapanuod lang ang paglalakad ng dalawa sa aisle ng garden. Ito ang piniling best man ng binata.

"Kaya nga,"tugon naman ni Novice.

Tuluyan naputol ang pag-uusap nilang dalawa.

Sumunod naman na naglakad ay ang kapatid niyang si Beatrice, kapareha nito si Zebastian. Nasa mukha nito ang kaligayahan para sa kanilang dalawa ni Shaina.