Chapter 136

“Kayo ha, may kasalanan kayong dalawa sa akin.” Sita ko kina Sam at Raq na parehong kaharap ko rito sa long table. Nakakaligtaan ko silang sitahin nitong mga nakaraang shoot sa dami ng inaasikaso ko sa ngayon. Ngayon ko lang sila naharap.

“Rekdi, bakit? Anong kasalanan namin ni Raq?” Kunwari pang mga walang alam na tanong sa akin ng kaibigan ko. Akaka mo ay totoong nagulat sa pagsita ko sa kanila

“At talagang nagmamang maangan pa kayo ha.”

“Ano ba ang ginawa namin, Rekdi?” Si Raq naman ngayon ang nagtatanong sa akin.

“Paanong nalaman ni Stacy na wala tayong shoot sa Friday? Kayo talaga ang gumagawa ng ikapapahamak ko, ano? Hindi talaga kayo nakatiis na hindi magdaldal sa kanya, alam n’yo naman na sikreto iyon eh. Sa inyo ko lang sinabi dahil kayo ang pinagkakatiwalaan ko.”

“Eh Rekdi…” Sabay kamot pa sa batok na sabi sa akin ni Sam.

‘Akala