Chapter 79

Habang nasa sasakyan kami ni Lola Cedes ay panay ang kwento niya tungkol kay Richard. Aliw na aliw naman ako habang nakikinig sa kanya, ang dami kong nalaman na mga bagay bagay tungkol sa boyfriend ko. Ang dami kong natuklasan na hindi kasama sa mga kinuwento sa akin ni Richard.

“Alam mo ba iyang apo ko, hindi naman sa bini-build up ko pa siya sa iyo dahil alam ko naman na hindi ko na kailangang gawin pa iyon. Ubod ng bait at lambing ng lalaki na iyan. Ikaw na lang ang mauumay sa kalambingan niya. Makakaranas ka rin ng pagka inis paminsan minsan dahil sadyang makulit talaga. Matigas ang ulo niyang lalaki na iyan.”

“Paanong matigas ang ulo, La?” Akala ko ba ay ibi-build niya si Richard sa akin, bakit parang kabaligtaran yata ang nangyayari? Gusto ko tuloy matawa.

“Naku, kahit anong pilit ko noong nag aaral pa siya na ako na ang magbabayad ng tuition fee niya ay ayaw namang tanggapin ng damuhong iyon. Hindi