CHAPTER 15

Bumaba si Lily mula sa second-floor kung nasaan ang opisina niya at naglakad siya patungo sa mini-office ni Russel na malapit sa counter. Nasa bar counter ito at nakaupo sa table nito.

Sa paglapit niya sa table nito, nagsalita siya kaagad, “Russel, any scheduled meeting for our clients? Malapit ko nang matapos ang paperworks ko sa office.”

Nag-angat ito nang tingin sa kaniya. “Mayro’n naman, Ma’am Lily kaya nga lang next week pa naka-schedule iyon lahat.”

“Okay,” maikling sagot ni Lily at umalis na. Balak na niyang bumalik sa kaniyang opisina nang mahagip niya si Ivor sa counter.

Ilang araw na ang lumipas at napapansin niyang tuwing umaga ay dito bumibili si Ivor ng kape sa ISAAC’s. Kapag may movie shooting, natural lang na mag-take out ito, pero kapag regular business days, nagda-dine in ito para kumain ng agahan.

Sa mga lumipas na araw kapag napapansin niyang nililibot ni Ivor ang tingin nito sa ISAAC’s, mabilis siyang umaalis sa kinakatayuan niya o kumikilos para hindi siya mahag