Chapter 39.1

Ava Sofia's POV

"Hindi pa rin kayo nagkakausap nila Sheen?"

Naisuklay ko ang kamay sa aking buhok ng umihip ng malakas ang hangin. Hindi ako sumagot. Simula nang makabalik ako sa trabaho nung isang araw ay ako ang umiiwas sa kanila. Siguro nahihiya pa rin ako sa mga nagawa ko, lalo na kay Bailey. Kinakausap naman nila ako pero ako mismo ang lumalayo.

"How about Baron? Ayos naman ba siya?" tanong pa niya ulit.

Ngumiti na lang ako, tumingala sa maulap at kulay asul na langit. He's very fine, hiyang na hiyang siya sa side ni Dominic. Ilang araw na rin ang nakakalipas simula nung kunin siya sa akin ni Dominic at doon siya patirahin sa penthouse nito. Namimis na nga rin ni Nanay iyon pero minsan naman ay dumadalaw sila sa bahay. Napag-isipan na rin ni Dominic na dito na ipasok ng school si Baron kaya hindi na siya babalik sa Bohol kaya umuwi muna si nanay