Chapter 138

Lauren's POV.......

Wala akong magawa habang buhat-buhat nila ako. Ang ikinatakot ko pa ay nang ipasok nila ako sa loob ng isa sa mga barko na nasa pampang.

Magtatawanan silang tatlo habang nagkwekwentuhan na para bang walang nangyayaring labanan. Malakas siguro ang kanilang mga kompyansa na mananalo sila sa laban na ito.

At dahil nakabaliktad ako simula pa kanina ay nagsimula na akong nakaramdam ng pagkahilo.

"Sino yan?" rinig kong tanong ng isa sa mga nakasalubong na mga kasamahan nila.

"Ito? Wala ito. Deliver lang namin kay boss Reid," sagot ng lalaking may hawak sa akin.

"Ganun ba? Pagkatapos niyo yan ay pumunta kayong tatlo kay Levis. May ipapagawa raw siya sa inyo," anito saka tuluyan na kaming nilampasan.

Nagpatuloy sila sa paglalakad hanggang sa napansin kong pumasok kami sa isang malaki at malawak na kwarto.

Agad na inatake ng mabangong insenso ang aking ilong pagkapasok na pagkapasok namin sa loob.

"Boss, nandi