Chapter 43 (Dwight)

"MAMA, who is Tito Dwight? What is he to you?" tanong ni Kenjie na siyang nagpatigil sa kakahaplos ni Syrellie sa buhok ng anak.

Kasalukuyan silang nasa silid. Napapagitnaan siya ng dalawang anak. Natutulog na si Kelly. Sa kambal kasi, ang babaeng anak niya ang nauunang makatulog sa gabi. Palibhasa hindi ito masyadong natutulog sa hapon. Unlike Kenjie who's fond of sleeping in the afternoon.

Napalunok si Syrellie. Hindi niya alam ang itutugon sa anak. Hindi niya alam kung may nahahalata na ba si Kenjie sa mura nitong edad na apat. Pero matalino ang anak niya. Sa dalawa niyang kambal, si Kenjie ang mahilig mag-obserba. Mama's boy ito, pero mas matured itong mag-isip kumpara kay Kelly.

Sa nakikita niyang pakikitungo nito kay Dwight, ramdam niyang nagtataka na ang anak niya kung bakit palagi siyang hatid-sundo ng binata sa mga nakaraang photoshoot nila. Alam niyang nagtataka na si Kenjie kung bakit palagi itong bumibisita sa kanila, at may mga dala-dala pa