Chapter One Hundred Fifty Three

NAG-AAYOS na nga si Minnie ng kanyang sarili nang makarinig siya ng katok mula sa pinto. Inaakala naman niya na si Kit iyon, kaya binuksan na niya at baka may mahalaga itong sasabihin.

Ngunit nagulat siya at labis na nagtaka, dahil si Gideon iyon.

"P-paano kang nakapasok?" Hindi niya makapaniwalang tanong. Nagpalinga-linga pa siya dahil baka may makakita rito na ibang tao.

Sa mabilisan galaw ay agad na niya itong hinila papasok at ini-lock ang pinto.

"Magsalita ka bakit ka narito?" Pang-uulit ni Minnie sa tanong niya. Paano ba naman, hindi ito sumasagot, nakatitig lang naman ito sa mukha niya habang may masiglang ngiti sa labi.

"Ano ba! Ngi-ngiti ka na lang ba riyan huh!" Isang malakas na tampal ang ginawa niya sa braso ni Gideon.

"Aray! ang sakit niyon... grabe ang bigat pala ng kamay mo." Iiling-iling nitong sabi.

Pinakatitigan naman siya ni Minnie, naalala niya dati na iyon din ang sinabi ni Aevo sa kanya.

"H