Chapter 94:

•Clyden•

Napatingin ako sa mag-ina ko na naglalaro sa may dalampasigan. Sa halip na pumunta kami ni Gaea sa ibang bansa para sa honeymoon ay hindi na lang namin tinuloy dahil ayaw naman nitong iwan ang anak namin.

Hindi ako makapaniwala na darating ako sa puntong ito, na magseseryoso ako sa buhay at magiging tapat sa isang babae. Lalakad na sana ako papalapit sa kanila nang biglang may tumapik sa aking balikat. Nilingon ko ito at nakita si Tuff at Sky naroroon.

"Iba na talaga ang pagmamahal na iyan, Clyden," asar sa akin ni Sky. Hindi naman ako kumontra roon dahil tama naman siya. Hindi ko na iyon maitanggi simula nang inamin ko sa sarili ko na si Gaea lang ang tanging mamahalin ko at ang tanging babaeng nagpapasaya at magpapasaya sa akin.

Sa kanya lang ako mananatili at kung sakali man na matapos ang buhay namin na ito siya pa rin ang hahanapin ko sa kabil