Chapter 42: Painful Visit

NIKITA

Pinunasan ko muna ang kamay ko bago sagutin ang tawag ni Mara. Pagkapindot ko ay mukha niyang nakasimangot agad ang bumungad sa akin. Binigyan ko rin siya ng nagtatakang tingin. Badtrip na naman 'to marahil dahil kay Terrence na hanggang ngayon ay pinoproblema niya pa rin kung sasagutin ba niya o hindi.

"Problema mo na naman kay Terrence?" Tanong ko rito habang sumusubo ng kanin at bacon. Hindi ko na kinaya ang no rice in one week, nagugutom pa rin talaga ako.

[G*ga hindi siya. Mamaya ko na ikukuwento 'yan. 'Yung magaling mong ex kasi pumunta sa bahay kanina nagtatanong kung sino raw ang ama ng anak mo.]

Bigla akong napaubo sa sinabi niya. Mabuti na lamang at nginunguya ko palang ang kinakain ko dahil kung hindi ay baka nabulunan na ako. Mabilis kong kinuha ang baso at sinalinan ng juice saka ininom para malunok ko agad ang kinakain ko.

"Ha? A-anong sabi mo?" Kinakabahan kong tanong.

Para akong tinakasan ng kaluluwa dahil sa sinabi niya. Paano nalaman ni Kent na may anak na