Chapter 26

MGA ilang ring lang ay sinagot na ito agad ni Axel.

“Twin! Pumayag na ba si mommy?!” excited na sabi ni Axel sa kabilang linya.

“Hindi pa twin pero malapit na. Sa ngayon may tanong ako sa’yo, may kakaiba bang sinabi sa’yo si grandma nung magkasama kayo? Like na parang hindi ako ikaw ganon?”

Nagtaka si Axel sa kabilang linya dahil sa tanong na iyon ng kambal niya.

“Si lola? Wala naman,”

“Wait…” biglang sabi ni Xander “You call her lola?”

“Ah yes, iisa lang ‘yun twin ano ka ba. Sanay ‘din kasi ako na lola tawag ko sa mom ni daddy.”

“That’s it!” biglang sabi ni Xander. “Never kong tinatawag na lola si grandma, twin! Malamang na nakatunog siya ‘dun! Ibig sabihin alam niya na hindi ako ang kasama nila kundi ikaw!”

Natahimik si Axel sa kabilang linya at inalala ang mga times na kasama niya ang lola niya. Bumalik sa ala-ala niya ang time na umiyak ito sa harap niya, akala niya emotional lang ito.

“Naalala ko, pinakita niya sakin ‘yung album mo na may goal kang bigyan ng flower si mommy kada