Chapter 61

Si Axel naman ay tahimik na nakasunod sa kanilang dalawa para malaman kung anong susunod nitong gagawin.

MABILIS na lumipas ang oras at natapos na ang party. Maaari ng umuwi ang mga gustong umuwi ngunit pwede ‘ring mag stay pa para sumayaw sa dance floor. At dahil naka bihis pang multo pa ‘rin si Xandra ay may naisip siyang pakitaan, si Alexander.

“Lumabas na siya Xandra!” sabi ni Ginrose sa telepono na siyang mata ni Xandra sa loob.

Pinatay na nila ang tawag at nag hintay si Xandra sa may Garden. Kanina ay andoon si Liam at Stanlee pero umuwi ‘din ang mga ito dahil pinakitaan niya pang muli si Liam at ayun umiiyak na umuwi. Kapag nagkita sila ni Liam at malaman nitong totoong buhay siya ay tatawanan niya ito ng tatawanan.

Tahimik ang paligid ng lumabas si Alexander kung kaya lumanghap siya ng sariwang hangin mula doon. Sigurado si Xandra na nakita siya ng lalaki kanina ng sabunutan siya ni Iara. Hindi niya nakita ang reaction nito pero ang pagkaka alam niya ay hinabol siya ng lalaki.