Chapter 16

Nette POV

NILALARO KO ang mga halaman na nasa gilid ng malaking pinto, may mga mamahaling paso na nakadisplay. Napakaganda nila. Napangiti ako dahil doon.

"Nette iha ikaw ba iyan?" Narinig ko ang boses ni Manang Dori. Napalingon ako sa loob at mas lalong ngumiti nang makita siyang kinukusot ang mga mata at sinisigurado kong ako nga.

"Opo Manang ako po ito." Lumapit siya sa'kin.

"Ano at lagpas hating gabi na at nandito ka pang bata ka? Malamok diyan sa pwesto mo."

Tumingin ako sa malaking gate na kanina ko pa hinihintay na magbukas at may bumusinang sasakyan ngunit hanggang ngayon ay wala pa rin. "Hindi po kasi ako makatulog siguro'y namamahay po ako at isa pa po hinihintay ko po si Mr. Fifth."

Tumabi ng upo sa kanya ang matanda at hinaplos ang kanyang braso. "Napakalambing mo namang bata ka at natutuwa ako dahil ganyan ka sa alaga ko ngayon ko lang nakita na may nagmamalasakit sa kanyang babae."

"Hindi ko lang po mapigil