Kabanata 111

Blair Castro

PANAY ang haplos ni Lukas sa tiyan ko. Hindi pa siya nakuntento at inililis pa ang damit ko saka hinalik-halikan ang baby bump doon. Natatawa ako sa ginagawa niya kaya hinila ko ang tainga niya at pinahiga siya sa tabi ko. Hindi siya pinayagang umuwi ng mga bata lalo na si Onyx. Bukod kasi sa wala talaga siyang uuwiang bahay ay malalim na ang gabi. Kahit nga si Ryu ay doon natutulog sa sofa sa sala at nasa kwarto ni Lira si Jeanette. Ngayon ay umuuwi si Lukas sa bahay ni Ryu.

“Tumahimik ka, nakikiliti ako sa ginagawa mo.” saway ko sa kaniya nang tangkain niyang bumalik sa may tiyan ko.

Ngumuso siya. “Naglalambing lang e.”

Napailing ako at tumagilid paharap sa kaniya. “Nasaan na ang mga bata? Akala ko ay pupunta sila dito?”

Ngumisi siya. “Pinatulog ko na. Sabi ko may gagawin tayo.