Kabanata 32

Blair Castro

MASAKIT ang ulo ko nang magising ako kinabukasan. Dahan-dahan akong bumangon at natagpuan ang sarili na nakasuot ng damit na iba sa suot ko kahapon. Nakat-shirt lang ako at pajama.

Umawang ang labi ko at gulat na napatingin sa paligid. Nandito naman ako sa kwarto ko pero sinong naghatid sa akin?

Lumunok ako at agad na lumabas ng kwarto. Sa kusina ay natagpuan ko ang isang lalaking topless na nakasuot ng aphron habang nagluluto. Eksaktong humarap siya sa akin ay nasinok ako.

He stared at me and laughed. “Halika rito. Uminom ka ng tubig saka ng gamot para sa sakit ng ulo.”

Dahan-dahan akong naglakad palapit sa kaniya. Sinubukan kong alalahanin ang nangyari pero 'yon ang problema sa akin. Hindi ko naaalala ang mga ginawa ko kapag nalasing ako ng husto.

“You're probably thinking what happened,” panimula ni