Kabanata 15 Another Man

Nagpalipat-lipat ang tingin ni Arwena sa Mama niya, at Anak niyang si Nathan na masayang nakikipaglaro sa lolo nito sa labas ng shop.

Sandali rin siyang sumulyap kay Mr. Tan. Natatakot kasi siya na makita nito si Nathan. Mabuti na lang at abala na ito sa katitipa sa cellphone niya. Kung hindi nga lang kabastusan ay tinaboy na niya ito.

"Tita, Lorna..." paawa na tawag ni Farah sa Mama ni Arwena. Agad din itong yumakap sa braso ng ginang nang makalapit ito sa kanila.

"Arwena!"

Dobleng lingon ang nagawa ni Arwena, nang muling marinig ang pasikmat na tawag sa kanya ng Mama niya. Hinaplos-haplos na rin nito ang kamay ni Farah.

“Ma…” Nasabi ni Arwena, pero ang tingin ay kay Nathan at sa papa niya naman.

Gusto niya itong warningan na ‘wag na munang pumasok, pero hindi naman niya alam kung paano dahil nga kay Farah at Jake na alam niya gagawa at gagawa ng palusot kapag umalis siya sa harap nila.

“Ano ‘yong narinig ko kanina, Arwena?" naguguluhan na tanong nito.

Tumaas na rin an