CHAPTER 58

Abby's POV: 

Para akong mabibingi sa katahimikan ng paligid habang lulan ng sasakyan ni Cloud pauwi. Hindi ko alam kung galit ba siya o ano dahil hindi ko mabasa ang reaksiyon sa kaniyang mukha. 

Panay ang lingon ko sa kaniya pero nakapokus lamang ang buong atensiyon niya sa daan at pagmamaneho. Pinili ko na lang din manahimik at itutok ang paningin sa labas ng sasakyan. 

Kanina matapos niyang tumawag kay Arc ay hindi naman nagtagal at dumating siya. Hindi na siya pumasok dahil masyado nang gabi kaya umuwi na lamang kami. Mula kanina ay hindi niya ako kinakausap at konte na lang iisipin ko na nakalimutan na niyang nandito ako. 

Tumikhim ako at bahagyang lumingon sa kaniya. "Sana hindi mo na lang ako sinundo..pwede ko naman tawagan si daddy." Mahinang sabi ko pero parang wala lang naman itong narinig dahil hindi ito sumagot. Napabuntong hininga na lamang ako at sumandal sa upuan. 

"You are my responsibility." Maya maya ay sa