CHAPTER 49

Maya-maya lang ay bumitaw na siya sa pagkakayakap. Parang tanga pa akong pinagmasdan lang siyang maupo sa buhanginan. Ngunit maya-maya rin ay inutusan niya akong maupo sa pagitan ng kanyang dalawang binti na siya ko namang ginawa.

Naramdaman ko na lang ang paglapat ng dibdib niya sa likod ko at ang pag-ikot ng kanyang dalawang kamay sa beywang ko para yakapin ako.

"Sinagip mo ulit ako," bigla ay pahayag ko.

Kahit hindi ko siya tingnan ay alam kong naguguluhan siya ngayon sa sinabi ko.

"Sinagip mo ako mula sa pagkakahulog ko sayo. Akala ko one sided na lang talaga itong nararamdaman ko. Akala ko ako lang ang tuluyang nahuhulog na, mabuti na lang at nagawa mo akong saluhin," dugtong ko.

Naramdaman ko naman ang pagbaon niya ng kanyang mukha sa aking leeg.

"Ganito pala ang kiligin," bulong niya saka napamura pa.

Napakagalpak naman ako ng tawa dahil sa sinabi n