Chapter 13: Poot at Galit

"Pasensya na po ma'am pero hindi kayo pwedeng pumasok."

Tinaasan ng kilay ni Katie ang guard na nakabantay sa gate. "At bakit hindi pwede? Fiancee ako ni Kaden kaya may karapatan akong pumasok! Gusto mo bang ipatanggal kita sa trabaho mo?"

Hindi umimik ang guard at diretso lang ang tingin. Aware silang lahat kung ano ang nangyayari. Kabilin-bilinan din ng amo na huwag magpapapasok ng estranghero lalong-lalo na kapag wala ito. Wala nang kapangyarihan ang babae upang utusan siya.

"Arrgh! Papasukin mo ako sabi!" Pagpupumilit ni Katie. Mahigit isang buwan na niyang hindi nakikita si Kaden at nami-miss na niya ito.

"Bruno," tawag ng guard at mula sa doghouse ay lumabas ang isang malaki at nakakatakot na aso na umaangil, masama ang tingin kay Katie at handang lumapa.

Namutla maman at nangatog ang tuhod ng dalaga. Hindi siya takot sa kaharap na guard ngunit ibang usapan na ang aso.

"Umalis ka na po ma'am kung ayaw niyong pagpyestahan kayo ni Bruno. Hindi pa siya nakakakain."

Hindi na kailang