Chapter 92: Dethroned

Nakisiksik si Marissa sa kumpol ng mga tao upang makapasok sa may entrada ng kompanya. Sila ang may ari ngunit pakiramdam niya ng mga sandaling iyon ay nagmukha siyang simpleng mamamayan.

"What is happening here? Let me in! Bakit ang daming mga peste dito?" litanya niya sa dalawng security guard.

"Ma'am Marissa!" bulalas naman ng dalawa pagkakita sa ginang. Nagkatinginan ang mga ito at hindi alam kung ano ang gagawin. Hindi ba ito updated sa nangyayari ngayon sa kompanya?

"Tatanga na lang ba kayong dalawa diyan? I said papasukin niyo ako!" iritadong singhal ni Marissa. Kailan pa naging inutil ang mga ito? Ayaw pa naman niya sa lahat ay ang kukupad-kupad! She will make sure to fire the two at the end of the day.

Sa huli ay pinapasok na lang ng dalawa si Marissa dahil wala namang notice na nagsasabi na hindi ito pwedeng papasukin.

Binigyan muna ni Marissa ng masamang tingin ang mga security bago pumasok ng building. Sa malawak na hallway ay may iilan ding mga tao, mga bigating negosyant