KABANATA 17

KABANATA 17: Embrace

NALA

Yakap-yakap ko ang paa ko habang nakaupo sa ibabaw ng queen-size bed at nakasandal ang likod sa headboard ng kama. Nakapatong rin ang baba ko ibabaw ng tuhod ko habang tulalang nanonood ng Korean mukbang sa smart TV na kinonek ko sa YouTube.

“Nagugutom na ‘ko,” sabi ko habang nakasimangit nang hindi ko na makayanan ay tumayo na ako at pinatay ang TV gamit ang hawak kong remote.

Ang akala ko ay maiibsan ng mukbang na ‘yan ang gutom ko pero mas lalo lang yatang lumala. Gusto kong murahin si Hugo dahil sa pagdala-dala niya sa akin sa restaurant na ‘yon na parang tinitipid ang mga customer tapos ang presyo ay mas mataas pa sa sahod ko!

Alas dose na ng hating gabi. Halos lahat ng tao dito sa penthouse building ay mahimbing nang natutulog. Nakatulog na ako kanina pero nagising ako nang marinig kong tumunog ‘yong tiyan ko sa kalagitnaan ng pagtulog ko.

Bumababa ako ng kama ‘tsaka sinuot ang slippers ko na palaka ang design. Ito ang ginamit ni Hugo no’ng nagkaroon si